وشوِّش

الكون جميل
أحسن حاجه فى الكون إنه ملكنا كلنا ومش بس كده
الكون بيقدر يوصًّلنا باللى بنحبهم
بص مثلا للنجوم والقمر والسما كلها ...- وكلمها , وبكده توَصَّل رسالتك لكل اللى فوق السما , واللى شايفين السما - زيك بالضبط
وشوِّش القمر .. ورسالتك هتوصل لأبعد مكان فى الارض ...لحد تانى قاعد - بردو - يبص ع القمر
كلِّم الورد
ايوه ميِّل عليه
..وإهمس له بأجمل كلام
اللى هيشمه بعدك , وهو مميِّل بردو عليه
ممكن يسمع رسالتك .!وليه لأ؟
بص للميه ,واحفر فيها بسمه
ايوه بسمتك إنت
يجى اللى بعدك يبص   للبحر   والنهر  والمحيط  ويبتسم .. لك
طيييير وأحضن الهوا
لحد ما تلمس السحااابفووق أيوه هناك 
وعيش سعيد
ومتنساش تحب الارض وتحافظ على نفسك
بإنك تفضل تحبها حتى .. وإنت نايم جواها
دا الكون حلو أوى
وجمييل

داليا مدكور ..  انا:)

September 6, 2011 at 10:45pm